Champhai DC Pu H Lalengmawia IAS chuan District Education Campaign kalpui zelin vawiin khan Govt. R.Hranga High School a tlawh a. DC hi Champhai SP Pu Meena IPS, leh Pu C Hualrikhuma, Deputy DPC, RMSA ten an tawiawm a ni. DC chuan thusawiin kum 10 chhunga HSLC result chhuaka result tha tak tak an nei thei chu zirtirtu te fakawm a tih thu leh a lawmpui thu a sawi a. Education-in a tum tak phur chhuak tu ni a a hriat thu a sawi bawk.

DC chuan, nu leh pate enkawlna hnuai a awmlo te, khawsak harsa tak atang a zir te zirlai zingah an awm a nih pawhin rilru hnual lva, tumruhna leh mahni inrintawkna nen a lehkha zir turin a fuih a. Harsatna chu hneh theih a nih thu a sawiin, Zirna kawng kan zawhah hian kumin result nei that leh that loh hian nakuma result a tih that leh that loh ahril lo a ni tiin, result hriltu ber chu a zirlaia te an ni a ti a. Thahnem ngai tak leh inelna hrisel nen zirlaite chu zir turin a chah a ni.

Champhai DC chuan tunlaiah sualna leh ruih hlo chi hrang hrang ten min chiah hneh hle a, sual na pawh a pun lun hle a, zirna lamah pawh kan chhiat phah niin a hriat a, hun eng emaw chen atang khan officer leh mi thiam tak tak Champhai atangin zir chhuak kan tlem hle a, tan lak a pawimawh hle a ni, tiin nu leh pa mahni fa te zirna tur atan a loan pawh la ngamlo kan tam ta lutuk te chu pawi a tih thu a sawi bawk.

Champhai SP RP Meena pawh in thusawiin, an lo puitlin hun a an career tur tun atanga thlang fel a, a hlawhtlin dan kawng ngaihtuah tan turin zirlai te chu a fuih a. Lehkha zir dan time table mumal tak nei a inbuatsaih te, rilru leh taksa hriselna ngaihpawimawh a tul thu te a tarlang a, naupangte atanga zawhna awm te a chhang bawk a ni.