Kum 2015 Village Council inthlan lo awm tura inbuatsaihna atan Vawiin chawhma dar 10:00 khan Serchhip District chhunga Village Level Officer te tan DC Conference Hall-ah training neih a ni a. He training hi Pu Lalhmansanga MCS, Election Officer, chuan a kaihruai a, Village Council Election Master Trainers ten zirtirna hi an pe a ni.

Kan hma lawka Village council inthlan lo awm turah Assembly Electoral Roll chu Draft-Roll-ah hmangin VC Electoral Roll buatsaih tur a nih thu a sawi a. Hemi atan hian Serchhip District chhunga Booth Level Officer zawng zawng te chu Village Level Officer-ah ruat vek an ni.

Election Officer chuan VLO te chu an hna te rinawm tak leh dik taka hlenchhuak turin a fuih a. VC inthlana dik leh felfai kan neih theih nan E/Roll buatsaih lai a?anga uluk tak leh fimkhur taka hnathawh a ?ul thu a sawi bawk.

Serchhip District ah hian VC 49 a awm mek a. Tun ?umah hian, Aizawl District chhunga khaw Pathum Tlungvel, Darlawng, Phulmawi leh Champhai District chhunga Biate khua te chu Electoral Roll siam hna leh VC inthlan buaipui chungchangah Serchhip District Election Office chuan a hma tel dawn a ni. Kumin Village Council inthlan lo awm turah hian Serchhip khawpui chhungah VC 4 (Pali) leh Thenzawl-ah VC 1 (Pakhat) siam thar a ni.