4328/2023-2024

Dated Serchhip, the 22nd March, 2024: Project Management Unit (PMU) Mizoram leh Public Health Engineering Department, Serchhip bul tumin vawiin khan World Water Day Programme “INREMNAN TUI” tih thupui hmangin hman a ni.

Pu James Lalnithanga, Addl. Deputy Commissioner chuan Khuallian niin he hun hi a hmanpui a, thusawiin Tui hlutna leh pawimawhna hrang hrangte, kan tui renchem a tul thute leh a thianghlim leh thianghlimloh dan te ngun zawk a mitinin kan zir chian a pawimawh thu te a sawi a, hetiang program PHED ten an buatsaih chu lawmawm a tih thu a sawi bawk.

Er. HL Thangvuta, SDO PHED chuan World Water Day Introductory Speech neiin khawvel ram zau zawk leh India ram chhung ngeiah pawh kan lui hnar hrang hrangte leh tui kan hmuhna hrang hrangten kiam lam a pan zel thu a sawi a, hetiang hi kan tawn ve loh nan World Water Day programme hmang tu zawng zawngte tan la sauh sauh turin a fuih bawk.

World Water Day pual hian Inremnan Tui tih Thupui hmang hian Slogan (English leh Mizo Category) leh Short Documentry/Reels Competition siam niin lawmman semna hun Pu Samuel Lallawmzuala, District Coordinator in nei zuiin; WATSAN Competition Tuihna Humhalh tha tih thupui hmanga lawmman latu Chhuanthar Tlangnuam, Vanchengte leh E. Lungdar WATSAN te hnenah lawmman a hlan bawk.

He hun hi Er. Isaac Lalchhuanmawia, Sr. EE, PHED chuan a kaihruai a. Er. Samuel LR Ralte Sr. SDO PHED chuan lawmthu sawina hun hmangin World Water Day lawmna inkhawm hi khar zui a ni.

He hunah hian Department hrang hrang hotute, Sub Headquarters YMA hruaitute bakah chanchinbu mite an tel a ni.

Hun hman zawhah hian World Water Day Rally Serchhip khawpui chhung hmun hnihah neih a ni a. New Serchhip College peng ah hun bul tan in Sihphir Vengah kawng zawh hi neih a ni a, he kawng zawh ah hian thalai pawl hrang hrang te telin Inremnan tih Thupui Banner kengin kawng an zawh a, Sihphir Veng a Tuikhur tihfai hnatlang nei zuiin rawng an hnawih tha a. New Serchhip, IOC Vengah pawh thalai Pawlten Inremnan tih Thupui Banner keng in kawng an zawh a bawk a, IOC, Bilzel Venga Tuikhur tihfai hnatlang an nei zui bawk.