Serchhip District Bawrhsap, District Election Officer ni bawk Pi Juhi Mukherjee, IAS chuan Mizoram State Legislative Assembly lo awm tur chungchanga mipuite hriattur thu pawimawh thuchhuah hetiang hian a siam:

  • Mizoram Assembly Election, 2013 puan anih veleh atang khan Model Code of Conduct (MCC) hman tan nghal a ni a, hemi chungchanga hriatchian duh nei leh MCC bawhchhiatna thu thlen duh tan MCC helpline phone no. 03838-226099 siam a ni a, nitin darkar 24 chhung eng hunah pawh biak pawh theih a ni ang. Hei bakah hian Serchhip District chhunga Constituency tinah MCC Implementing Team ruat fel an ni tawh bawk a, heng a hnuaia hming tarlan te hi engtik lai pawhin biak pawh theih an ni bawk ang.

AC/No

MCC TEAM LEADER

Phone No.

 

26

Lawmkima SDO (Sadar) Serchhip

9436197414

27

K.Lalhmuakliana SDO(C) Thenzawl

9612168051

28

Ngulsangvela SDC(C)North Vanlaiphai

9436159425

  • Mizoram Prevention of  Defacement of Property Act, 1995, Section 3 (1) tlawhchhanin Sawrkar, Vantlang leh Mimal bungrua reng reng tih hmelhem phal a ni lova, heng bungrua chi hrang hrang lungrem, tuizem, bang, etc. te hi a neitu ten an ta ani tih chhinchhiahna tura an hming leh address an tarlang anih loh chuan chil chhak khum, zunkhum, poster/lehkha tar hnan, chalk emaw rawng emaw a thai/ziah ran emaw, engti kawng zawng maha tihbawrhban phal a ni lo, he thupek hi sut anih hma a bawhchhia an awm anih chuan tangkafai Rs. 1000 thleng chawi tir emaw, thla ruk chhung tan tir emaw, a pahnih emaw a hrem an ni ang.