Vawiin khan Agriculture Conference Hall-ah Mizoram Agricultural Management & Extension Training Institute (MAMETI) leh MANAGE, Hyderabad te tangkawpa buatsaih “Applications of ICTs in Modified Extension Reforms” tih thupui hmanga ni li awh tur Training-cum-Workshop tan a ni.

He Training-cum-Workshop, ATMA Scheme enkawltu Agriculture & Allied Department te tana buatsaih niin a hawnna inkhawm hi Dr. C. Lalzarliana, Director of Agriculture (Crop Husbandry) leh Director, MAMETI ni bawk kaihhruaia neih a ni a, ATMA Scheme enkawltu Department hrang hrang atangin mi 41 an tel a ni.

MANAGE, Hyderabad atangin Dr. K. Venkateshwar Rao, Faculty (ICT) chuan Information and Communication Technologies hman dan hrang hrang zirtirna a pe a Mizoram atangin ICT lama mi thiamten zirtirna an pe bawk.