No.2236/2020-2020
Dated Serchhip, the 20th June, 2020: Vawiin hian Serchhip Bawrhsap Dr. Lalzirmawia Chhangte, IAS chuan Serchhip District a mi pahnih, Government Serchhip College a khunghran mek te chuan Covid19 an vei a ni tih hmuhchhuah a nih avangin an inkhungna building leh a chhehvel te chu Containment Zone ah a puang.
Bawrhsap thupek chuan, Regulation 11 (1) of the Mizoram Epidemic Diseases (COVID-19) Regulations, 2020 in thuneihna a pek angin khunghran mek te awmna Govt. SerchhipbCollege Academic Building chu Containment Unit ah puangin a chhehvel ram schedule a tarlan chin chu Containment Zone a a puan thu a tarlang a.
Schedule-a tarlan area hi tuma tlawh pawh phal lohva khar, luh leh chhuah khap a ni a.
Government Serchhip College Academic Building chu thuleh awm hma chu hman theih loh tura khar a ni.
Containment Zone ah lirthei eng chi pawh veivah khap a ni.
Executive Magistrate, Health, Police leh Fire & Emergency Servuces hnathawkte, DC hriatpuinaa khunghrante ei in mamawh buaipuitute leh DC in a bika phalna a pek te a huam lovang.
Schedule anga Containment Zone huam chin chu:
College Main Gate bul chowkidar quarters chhak zawl atanga intanin bridge ban lai takah chho zelin bung kung huamin waiting shed hrulah a kal ang. Chuta tangin khawchhak lamah kalin library peng leh basketball court panna kawng peng thuamah kal zelin volleyball court a huam tel ang. Volleyball court atanga khawthlang lamah kalin a bul tanna lei laihzawl chinah a chhuak leh ang.
He schedule huam chhunga mihring chengte leh official duty te chu Aarogya setu app ah in register vek tur a ni.
Tupawh khuahkhirhna thupek bawhchhia apiang chu Sec. 188 IPC hmanga hrem theih an ni ang.
