No.6648/2020-2021

Dated Serchhip, the 24th November, 2020:    Serchhip khawpui chhunga lirthei kal a mumal zawk nan leh lirthei khalhtu, lirthei hmangtu leh mipui kea kalte an lo him zawk nan SP Serchhipin dt.17.11.2015-a Notification tihchhuah tawh vide No.E/RO-86/SP(S)DEF/2015/954 dt.17.11.2015 Point No. 1(c) “Bazar to Chanmari panna kawng Pu Hranghmingthanga (L) in atanga Chanmari kawng pawhtuah hian Bazar atanga Chanmari lam panin eng motor mah tlan phal a ni lo a, Chanmari atanga Bazar lam pan tur motor tlan thei te hi LMV aia lian tlan phal a ni lo” tih chu a hnuaia mi ang hian tihdanglam a ni.

1.    Serchhip Bazar, Pu Hranghmingthanga (L) in atanga Chanmari Veng YMA road ah hian Bazar atanga Chanmari Veng pan zawng chauhin lirthei tlan theih a ni ang a, AOC Veng to Chanmari Veng road han pawhin Pi Lalhlupuii in bul, Chanmari Vengah a chhuak ang.

2.    Serchhip Chanmari Veng atanga Serchhip Bazar panna kawng peng, Pi Lalhlupuii in leh Pu Hranghmingthanga (L) in inkar YMA road-ah Chanmari Veng atanga Bazar pan zawngin 2 Wheeler bak lirthei eng chi mah tlan phal a ni lo.

3.    He one way hian 2Wheeler chu a huam lo ang a, engti zawng pawhin tlan theih a ni ang.

4.    407 truck chin chunglam erawh chu he kawngah hian engti zawng mahin tlan theih a ni lo ang.

He lirthei tlan dan tur thupek hi MV Act 1988 (act 59 of 1988) Section 115-na leh Govt. of Mizoram Notification No.B.12021/10/2004-TRP dt.27.5.2020-in thuneihna a pek angin Superintendent of Police, Serchhip, Serchhip District-in a tichhuak a, dt.25.11.2020, 6:00am atanga hman tan tur a ni. 

He thupek hian emergency thila motor tlan, law & order duty leh chhiatna thlenga emergency duty-te a huam lo ang.