4477/2024-2025
Dated Serchhip, the 28th February, 2025: Govt Serchhip College ah ‘National Science Day 2025’ pualin ‘Pradhan Mantri Formalisation of Micro Food Processing Enterprises Scheme (PMFME) - Seminar on Food Micro-processing Entrepreneurship Programme’ hman a ni.
Pu Čhazuala Rawite, Chairman MIFCO Mizoram chuan Pradhan Mantri Formalisation of Micro Food Processing Enterprises Scheme (PMFME) hnuaiah India sawrkarin ram mipuite tan ei tur tha, thianghlim leh hrisel a tam thei ang ber siamchuahna tur programme tha tak a duan thu leh chu mi kengkawhtu (Implentating Agency) atan State Project Monitoring Unit (SPMU) te din a ni, a ti a. PMFME Scheme chu a tangkai thei ang bera hmang turin College zirlai te a chah a ni.
He hunah hian Govt Serchhip College Principal Pu C.Laldintluanga pawhin thu sawiin, Food Processing lamah Serchhip College a zirlai te tana MIFCO,Mizoram ten programme hlu tak an buatsaih leh PMFME Scheme hnuaia hma la duhte tana an inhuamna zau tak chu lawmawm a tih thu a sawi a ni.
He Seminarah Resource Person pahnih- Pu Zosangliana, General Manager, MIFCO leh Henry Saingura, DRP, PMFME ten Govt Serchhip College Science Department a zirlaite bakah Education Deptt. 4th Semester Major & Minor zirlai te chu 'Food Micro-processing Entrepreneurship' chungchang a hriat tur pawimawh hrang hrang te Power Point presentation hmangin an zirtir bakah PMFME chunchangah zawhna leh chhanna hun an hmang a ni.
Kum 2021 June Ni 29 khan India Prime Minster zahawm tak, Pu Narendra Modi chuan ‘Pradhan Mantri Formalisation of Micro Food Processing Enterprises Scheme(PMFME) hi lo hawng tawh a, he Programme hnuaiah hian Food Micro-processing Entrepreneurship lama tui leh hmang tangkai duh te tan a thlawna Training kalpui a nih bakah 35% Subsidy awm Bank Loan pawh pek theih an ni bawk a ni.
MIFCO leh Govt Serchhip College a Science Department tangkawp buatsaih he Seminar hi Jenie Lalthanpari Poonte, Asst. Professor, Govt. Serchhip College chuan a kaihhruai a ni.
