4476/2024-2025

Khawzawl, dated 28th February 2025: Vawiin chawhma dar 10:30 khan Zaingen YMA Hall-ah Khawzawl North Area Mizoram Upa Pawl (MUP) inkhawmpui vawi 3-na hman a ni a, Khawzawl DC Pu K. Vanlalthiana'n khuallian niin hun a hmanpui.

Khuallian Pu K. Vanlalthiana chuan thu sawiin MUP inkhawmpui a hmanpui thei hi lawmawm a tih thu a sawi a, upa zawk rual u zawk te finna leh remhriatna a ngaisang hle thin a ni tih a sawi. Mizo zia leh tih dan hlu tak tak kan ram tan vawng nunga tu leh fate leh khawtlang hnena zirtir chhawng zel turin a sawm a, Mizo tawng humhimna kawngah theihtawp chhuah zel turin a chah bawk a ni. An tawnhriat te, an nun dan te leh an tawngkam te thlengin khawtlangin kan ngaihlu a ni tih a sawi a, Mizo kan nihna hrechiang tu an nihna angin Mizo thinglung pho chhuak zel turin a sawm a ni.

He hunah hian Pu PC Zasiama, President chu chairman niin hun a kaihruai a, secretary leh finance secretary te'n report an pe bawk. Special item ngaihnawm tak tak ngaihthlak a ni bawk a, chawhnu khan area hruaitu inthlan an nei nghal a ni.