4475/2024-2025

Champhai, 28th February 2025: Vawiin chawhnu dar 01:00 khan DC Conference Hall, Keifangtlangah Chapchar Kut March ni 7, 2025 (Zirtawpni) a hman tur a inbuatsaihna te thirhoin ṭhutkhawm neih a ni a. He hun hi Champhai Bawrhsap Pu VL Remliana chuan a kaihruai a ni.

He hunah hian ṭhutkhawm hmasain committee peng hrang hrang a din te hmalakna ngaihthlak a ni a. Programme leh Finance sub- committee ten hun hman dan tur leh sum leh pai mamawh an chhawpchhuah te chu sawiho anih hnuah committee hian a pawmpui a ni.

Kumin Chapchar Kut hi March ni 7, 2025(Zirtawpni) chawhma dar 11:00 ah Zotlang Sports Stadium-ah hman tur a ni a. Kut thlengtu atan Pu F. Lalrinmuana, SYMA President ruat a ni a , Kut Pa atan Er. H. Ginzalala, Adviser to CM (Technical), Champhai North bialtu ni bawk chu beisei a ni.

Chapchar Kut lawmna hi hun hniha hman tura ruahman a ni a. Hun khatnaah hian Kut thlengtu leh Kut Pa te hnen aṭangin thu sawi ngaihthlak a ni ang a; hnam lam leh hnam thuam te entir a ni ang a, malzai leh zaipawl ngaihthlak tur a awm bawk ang. Thawhhnihnaah hian Mizo Zaimi Insuihkhawm (MZI) Headquarters, Champhai te kaihhruaiin Live Concert neih a ni ang. Chapchar Kut Lanu leh Val thlan tur a ni a, hnam thuama naupang inchei nalh thlanna neih a ni bawk ang.

He hunah hian Chapchar Kut kaihhnawih sawrkar department bakah tlawmngai pawl hruaitute an tel a ni.