2048/2024-2025 

Dated Serchhip, the 13^th September, 2024: Vawiin chawhma dar 11 khan Serchhip DC Conference Hall ah a vawikhatna atan Serchhip District Level Monitoring Committee (DLMC) for Mission Organic Value Chain Development for North Eastern Region (MOVCD-NER) Meeting neih a ni a, DLMC Chairman Pu Paul L. Khuma, Deputy Commissioner chuan meeting hi a kaihruai a ni.

Meeting-ah hian MOVCD- NER thawhlina (Phase 4) hmalakna tur sawiho a ni a. DLMC Member Secretary Pu Lalchharliana, Serchhip District Agriculture Officer (DAO) chuan he scheme chungchang leh farmer ten an hlawkpui dan tur te a sawifiah hmasa a. MOVCD-NER scheme hnuaia Serchhip District bialtu Service Provider atana ruat Clover Organic Pvt. Ltd aiawhin an Project Manager Pi  Malsawmkimi chuan power point presentation hmangin scheme chungchang a sawifiah a. Member kalkhawmte nen sawihona hun an hmang chhunzawm nghal a ni. 

Chhingchhip leh a chhehvel khuate bakah East Lungdar Block   huamchhungah MOVCD- NER thawhlina hi kalpui a ni dawn a.  Farmer 500 vel thlangchhuakin sapthei (passion fruit) an ching dawn a ni. Clover Organic Pvt. Ltd company te hian zirchianna (survey) an kalpui a nga. Farmer Interest Group te nen thawkhoin beneficiary selection an kutah a awm nghal dawn a ni. 

Sawrkar laipui chuan MOVCD-NER scheme hi kum 2016 atang khan hmarchhak State te tan a kalpui tan a. Kuthnathawktuten  hlawk zawk leh awmze nei zawk a Organic farming an kalpui theihna tur te, eikhawp ngawr ngawr chauh thar thin te pawhin an thlai thar te hralh suma an chantira, sum lakluhna tha zawk an neih theihna tura ruahmanna a ni. 

He meeting ah hian Department hrang hrang - Fisheries, Horticulture, ATMA, KVK, AH&Vety, Cooperation, Agriculture leh NABARD aiawhte an tel a ni.