2047/2024-2025
Dated Kolasib the 13th September 2024: Kolasib District chhungah ram pawn atanga dan lova kuhva lakluh titawp turin khapna thupek vawi tam tak chhuah a ni tawh a, theih tawpa hma lak mek a ni a.
Ministry of Home Affairs, Govt. of India lehkha No.1/32/2019-BM-II Dt.13.11.2019 leh Home Department, Govt. of Mizoram lehkha No.D.32021/9/2019HM Dt.2.12.2019 pawhin heng dan lova kuhva rah lakluh khap a tul thu a tarlang tawh a ni. Kolasib District huamchhungah pawh heng dan kalha hmalakna awm thei chi reng reng uar zawk a khap a tul a.
Chuvangin, vawiin September ni 12, 2024 ah hian Pu Robert C. Lalhmangaiha, District Magistrate, Kolasib District, Kolasib chuan Section 163 of Bharatiya Nagarik Surakha Sanhita, 2023 in thuneihna a pek angin hetiang hian thupek a chhuah :
1. Kolasib District huamchhungah dan phal lohvin kuhva rah tumahin an phur Iut tur a ni lova, a paltlang nan an hmang tur a ni hek lo.
2. Kolasib District huamchhungah mi tumah in ram pawn atanga Iakluh kuhva (Burmese Areca nut) dah khawlna (Godown/Kudam) an siam tur a ni lo.
Godown lo awmsa tawh te pawh Superintendent of Police, Kolasib in kalh felin, thu leh awm hma chuan khawih chet awih a ni lo ang.
He thupek hian chhuah anih atanga ni 60 chhung a huam anga, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.
