2886/2024-2025
Serchhip, November 7th, 2024: Serchhip DC Pu Paul L. Khuma chuan halpuah, halmawi leh naupang silai lem a mu kapchhuak thei chi te khapna chungchangah a hnuai ami ang hian thu a chhuah:
Halpuah leh halmawite hian nasa takin mihring hriselna a tichhe thei a, boruak a tihchhiat leh tihbawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah tul lova sum khawhralna a ni bawk a ni.
Hetiang anih avang hian Serchhip District mipuiten hlim tak leh thlamuang taka hunpui (Krismas leh Kumthar) lo thleng turte kan hman tlan thei nan heng, halpuah, halmawi, sky lantern leh puak thei thil dang bakah silai lem a mu hmang chi reng reng lak luh, zawrh, hralh, hal leh hman khapna thupek Section 163 of Bhartiya Nagarik Suraksha Sanhita, 2023 hnuaiah dt. 24th September, 2024 khan chhuah a ni a.
Hetiang anih avang hian Serchhip District chhunga Online hmanga thilchah lo thlenna hmun Courier Service leh dak a thil thawn lo thlenna hmun dak in (Post Office) te pawhin hetiang halpuah, halmawi, sky lantern leh puak thei thil dang bakah silai lem a mu hmang chi reng rengte Online hmanga chah alo thleng anih pawhin deliver lo turin kan in hriattir a ni.
He thupek bawhchhia/zawmlo te chu Section 223 of Bharatiya Nyaya Sanhita, 2023 hmangin kum khat lungin tan emaw Rs. 5,000/- chawi thlenga hrem theih a ni tih ka han hriattir bawk a che.
