2567/2025-2026

Dated Serchhip, the 8th December, 2025: Halpuah leh halmawite hian nasa takin mihring hriselna a tichhe thei a, boruak a tihchhiat leh tihbawlhhlawh mai bakah ri bengchheng a siam a, heng bakah hian silai lem a mu nei chite hian mihring piansualna a thlen tak fo bakah tul lova sum khawhralna a ni bawk. Kum 2025 Krismas leh Kum 2026 Kumthar hlim tak leh thlamuang taka kan hman tlan theih nan khapna thupek chhuah tula hriain, Pu PAUL L KHUMA, DISTRICT MAGISTRATE, SERCHHIP DISTRICT chuan Section 163 of Bharatiya Nagarik Suraksha Sanhita, 2023 tlawh chhanin a hnuaia thupek hi a chhuah-

Serchhip District huam chhungah Kum 2025 Krismas leh Kum 2026 Kumthar vuakvetah:-

1. Halpuah, halmawi, sky lantern leh puakthei thil dang boruak tha lo siam thei leh ri bengchheng siam thei chỉ reng reng lak luh, zawrh, hralh, hal leh hman khap tlat a ni.

2. Naupang silai lem a mu hmang chi reng reng lak luh, zawrh leh hralh khap tlat a ni.

He thupek hian thu leh awm hma chu Order chhuah a nih (8.12.2025) atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.