167/2025-2026
Dated Serchhip, the 14th April, 2025: Mizoram chhung District thenkhat heng Lunglei, Siaha, Lawngtlai leh Mamit ah te Vawk hri, African Swine Fever (ASF) avangin vawk tam tak thi leh tawhin engemawzat suat an ni tawh a. Serchhip District chhunga kan ran vulh te an lo him zel theih nan thupek chhuah a tul a. Pu Paul L. Khuma, District Magistrate, Serchhip District chuan Section 163 of Bharatiya Nagarik Suraksha Sanhita, 2023 tlawh chhanin a hnuaia thupek hi a chhuah.
- Serchhip District chhungah ram dang (Foreign countries), State dang atangin Vawk, Vawksa leh Vawksa atanga siam eitur reng reng lakluh khap tlat a ni.
- Serchhip District chhung khua leh khua-a vawk inlakpawh tur te reng rengin A.H & Vety Department a thawk te emaw khawtlang hruaitu Village Council te hnen atangin ran hrisel ngei a nih hriatpuina an la ngei tur a ni.
- Vawk hrisel tha chauh talh tur a ni a. Vawk damlo reng reng talh tura sawngbawl loh tur a ni.
- Vawk damlo leh thi reng reng chu A.H & Vety Department thawktu te hnenah hriattir vat tur a ni a. Vawk thi reng reng uluk takin Disinfectant nen thuk taka phumbo tur a ni.
He thupek hian thu leh awm hma chu Order chhuah ni 11th April, 2025 atanga thla 2 (two months) chhung a huam ang.
He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.
