168/2025-2026

Khawzawl, dated 15th April 2025: Khawzawl DC Pu K. Vanlalthiana'n ui khuahkhirh chungchangah hetiang hian thuchhuah a siam:

"ORDER

Khawzawl District huamchhungah tunlai hian Ui khuahkhirh lova vak mai mai thin hmuh tur a tam hle mai a. Ui thlah zalen lutuk vang hian hriselna leh mipuite himna kawngah khawtlang nasa takin min nghawng thei a ni.

Chuvangin, kei, K. VANLALTHIANA, District Magistrate, Khawzawl District hian Section 163 of BNSS, 2023 in thuneihna min pêk angin, Ui a hri (Rabies) laka Khawzawi District mipuite kan lo him nan hetiang hian thupek ka chhuah e:

1. Ui vulhtute'n Ui a hri danna (Rabies vaccine) an Ui vulhte an pe vek tur a ni.

2. Ui vulhtute'n an Ui vuih te khawlaia an vah mai mai loh nan tha takin an khuahkhirh tur a ni.

3. Ui vulhtu ten khawlaiah an chhuahpui dawn a nih chuan hrui (leash) rinawm takin an kai tur a ni.

4. An zun leh êk khawlaiah an hnutchhiah mai mai tur a ni lo.

5. Midang tana harsatna siam thei zawngin an vulh tur a ni lo.

6. The Mizoram Animal (Control & Taxation) Rules, 2016 in a tarlan angin Ui khawiaia chhuakte chu Village Council ten an man thei ang a. Ui neitute hi nikhat zelah Ui chaw man Rs. 100 leh Fine Rs. 100 chawiin an khul chhuahtir thei ang. An khul chhuak lova, ni 7 (sarih) a ral chuan a rem dan angin tihral (auction) theih a ni ang.

7. Ui khuahkhirh lovin mihring a seh chuan Section 291 BNS, 2023 hmangin thla ruk (6) chhung lung in tân emaw ₹5,000 thleng emaw chawi theih a ni.

He thupek hi tihdanglam a nih loh chuan thla hnih (2 months) chhung a huam ang a, he thupek zawm lote chu Section 223 of BNS 2023 dân hmanga hrem an ni ang.

He thupek hi vawiin April ni 15, 2025 (Thawhlehni) hian District Magistrate Seal-a nemnghetin hming ka ziah hnan e.

Sd/- K. VANLALTHIANA

District Magistrate

Khawzawl District, Khawzawl"