109/2025-2026

Dated Serchhip, the 9^th April, 2025: India ram chhung leh Mizoram chhungah faina leh hriselna lama hma kan sawn theihna turin sawrkar-in chak tak in hmalakna a kalpui mek zel a, Serchhip District chhungah pawh mipuiten faina leh hriselna lama hma kan sawn zel theihnan theihtawpa hmalakna kalpui a ni a. Tin, Kan State thenawm Manipur ah tunlai hian Ui a hri (Rabies) a leng mek a ni tih hriat a ni bawk, hei hi mihring hriselna leh nunna atana thil hlauhawm tak a ni a, hei hian khawtlang hriselna, faina, mihring nunna a nghawng theih avangin District magistrate Pu Paul L. Khuma chuan Section 163 of Bharatiya Nagarik Suraksha Sanhita, 2023 tlawh chhanin a hnuaia thupek hi a chhuah.

1. Mi tumahin midangte tana harsatna siam zawng leh midangte tana hnawksakin ui an vulh tur a ni lo.
2. Ui vulh tuten khawlai ah an ui te an chhuah zalen tur a ni lova, khawlaia an chhuahpui dawnin hrui/chain rinawm tha taka hlingin an kai ngei tur a ni.
3. Ui vulh tuten an an ui vulh te tha takin an khuahkhirh tur a ni a, Ui hri danna (anti-Rabies) vaccine an pe vek tur a ni.
4. Khawlaia ui tla leh a nghawnga hrui/chain-a thlunna awm lo te chu neitu awm lo anga ngaih a ni ang.
5. Ui vulh tuten an ui vulhte zun leh ek khawlaiah an hnutchhiah tur a ni lo.
6. Kan State thenawm Manipur atangin Ui leh a sa lakluh khap tlat a ni.
7. Ui khuahkirh lohin mihring a seh/tihnat chuan Section 291 of Bharatiya Nyaya Sanhita, 2023 hmangin thlaruk(6) chhung lungin tan emaw Rs. 5,000/- thlenga chawitir theih a ni.

He thupek hian thu leh awm hma chu Order chhuah a nih April ni 8 2025 atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 hmanga hrem theih an ni ang.