108/2025-2026

Dated Serchhip, the 9^th April, 2025: Vawiin khan DC Meeting Hall Serchhipah Pmshri School Jawahar Navodaya Vidyalaya, Thenzawl Serchhip District-a Admission tih thar tur chungchangah Serchhip DC Pu Paul L Khuma hovin Orientation neih a ni.

DC chuan School Principal leh thawktute inpekna leh hmalakna chu fakawm a tih thu a sawi a. Sawrkar enkawl zirna inah engkim a thlawn veka kalpui a nih reng laia mimal enkawl zirna inten naupang an nei tam zawk thin laite hi ngaihtuah tham tak a nih thu sawiin, thawktute pawh tun aia nasa zawka tan la turin a sawm a. Nu leh pa te hian zirna in rintlak, an fate ngaihngam taka an dah theihna tur an duh thin a ni tih hre reng chunga tan lak a tul thu a sawi bawk. JNV School hi kan distrtict hmel lan theihna tur pakhat a nih avangin kan tan tlan a tul thu a sawi a ni.

He hunah hian JNV School Principal Pu Anish P chuan an hmalakna tlangpuite sawiin an schoola pawl VI admission an hawn mek chu diltu mi 551 an thu a sawi a. April 12, 2025 chawhma dar 10:30 ah exam centre hrang hrang Serchhip, Thenzawl leh Khawlailungah te inreport tur niin chawhma dar 11:00 ah exam tan a nih tur thu a sawi. JNV a lut tur hian engkim a thlawn vek a nih thu sawiin, naupang talent nei tha bikte chu phai lam leh hmun dangah hruaichhuahna remchangte pawh an siam sak thin thu a sawi bawk.

He hunah hian Additional DC Pu Lalrinzuala, HEO Serchhip Pu Bhajan Singh-a, JNV a thawktute bakah Exam Centre Superintendent te an tel a ni.