4641/2025-2026

Dated Serchhip, the 27th February, 2026: Vawiin khan Rural Development and Administration Department chuan Serchhip District chuan Serchhip DC Pisapui Hall-ah performance review meeting hun an hmang.

Meeting hi Serchhip Bawrhsap Pu Paul L.Khuma chuan hmanpuiin Project Director DRDO Dr Malsawmtluanga Fanchun leh BDO te an tel a Serchhip District a Rural Development Department hnuaia hnathawk zawng zawng an tel bawk a ni.

DC Pu Paul L Khuma chuan block leh village level-a thawhhona tha zawk neih a pawimawhzia a sawi a, sawrkar scheme-te chu a dawngtu tur dik takin an dawn theihna tur leh tangkai taka hman a nih theih nan tan la turin thawktute a fuih. Hnathawh vil zui leh endik te, record tha leh dik tak vawn te, leh sawrkar guideline tha taka zawm a pawimawhzia te a sawi bawk a ni.

Meeting-ah hian thingtlang khaw hmasawnna tur sawrkar laipui scheme pawimawh  – Mahatma Gandhi National Rural Employment Guarantee Act(MGNREGA), Pradhan Mantri Krishi Sinchayee Yojana (PMKSY), Mizoram State Rural Livelihoods Mission(MZSRLM) leh Pradhan Mantri Awaas Yojana (PMAY) hmalaknate chipchiar takin an thlirho a. Scheme hrang hrang enkawltuten PowerPoint presentation hmangin an sawifiah a. Sum hman ral dan te, hna thawh zawh tawh, thawh mek leh hmachhawp te sawihoin harsatna an tawh te chinfel dan an ngaihtuah a ni.