4642/2025-2026

Dated Serchhip, the 27th February, 2026 : Vawiiin khan Serchhip DC Pu Paul L Khuma hovin Serchhip DC Meeting Hall-ah Vibrant Villages Programme II (VVP II) atana khaw sarih te draft action plan an thlirho.

Serchhip District chhunga VVP II kalpuina tur khuate hi Serchhip RD Block hnuaiah Keitum khua; East Lungdar RD Block hnuaiah Mualcheng, Lungkawlh, Bawktlang, North Vanlaiphai, Leng leh Sailulak te an ni a. Heng khaw hrang hrangte tana ruahmanna chipchiar siam tur hian line department te chu team a thendarh niin team leader pakhat theuh ruat an ni a. Team tinin an chanpual khua te tana hmasawnna proposal an siam te chu VVP-II guideline thlir chungin mumal taka action plan an duang a ni.

He an action plan siam te hi District Committee ah uluk taka enho niin siam that ngai lai leh ennawn ngai te chu sawiho a ni a. Plan siamtu team leader ten VC te leh technical mite rawn chungin siam that tul te siamthat ni se, an ti a. Heng an rawtna hrang hrangte hi District Committee chuan uluk taka enzuiin a thuphungin a pawm phawt a ni.

India-Myanmar leh India-Bangladesh ramri khuate huam turin Vibrant Village Programme II hi kum 2024 atang khan kalpui tan niin Serchhip District chhunga khaw sarih (7)-te hi a huam tel ta a. Central Sector Scheme a nih angin funding hi sawrkar laipuiin 100% a tum dawn a ni. Sawrkar laipui scheme kalpui mek sa te nen a theih chin chinah kaihkawp (converge) tur a ni a. Convergence a rem lo a nih chuan, MHA level ah endik leh tur a ni.