Vawiin hian Serchhip DC thar Dr. Zirmawia Chhangte, IAS chuan Serchhip District MJA memberte lengah sawmin, inkawm hona hun an nei a. Hun chep taka kara a sawmna an tihlawhtling thei chu lawmthu lo hrilhin district chhung hmasawnna hna thawh tur leh mipui mamawh hrang hrang ni a langte an sawi ho.

Bawrhsap chuan thingtlangpa anih ve tho thu sawiin tlangnel taka dawr theih reng anih thu a sawi a, Mizoram laili Serchhipa a awm thei chu lawmawma tih thu leh Serchhip District chuan ramri chungchang leh hnam dang nena boruak thalo harsatna engmah a awm ve ngai loh avangin hmasawnna hna pawh chak taka thawh theih anih thu a sawi.

Pu C. Ramengmawia, President, MJA Serchhip District chuan Bawrhsap thar chu thinlung taka an lo lawm thu sawiin, MJA leh sawrkar thawh dunna tha tak an neih zel a beisei thu a sawi a, bawrhsap chu district hotu anih angin district chhung khaw hrang hrang a tam thei ang tlawh chhuak thei se an duh thu a sawi bawk.

He inkawm honaah hian Pu C. Lalrochhuanga, Gen. Secretary MJA Serchhip District chuan MJA memberte inhmelhriattirna hun a hmang a. District hmasawnna tura hmalak dan tur kawng hrang hrang an sawi ho a ni.

He hun hi Pu Chuauhnuna, Addl. DC leh Pi Vanlalduhi, SDO(Sadar) ten an hman pui a ni.