Vawiin hian Serchhip a sawrkar Office hrang hrangte chuan anmahni remchan danin Sadbhavan Diwas 2018 thutiam neih hona hun an hmang hlawm a. Serchhip DC Office a thawktute pawhin Bawrhsap Pi Sangchhin Chinzah  kaihhruaiin a pisaah Sadbhavan Diwas thutiam hi sawi rualna hun an hmang.

Pi Sangchhin Chinzah chuan, India ram chu kan hriat angin ram zau tak, mi chitin lenna, hnam ze hrang hrang neite chen khawmna ram a nih avangin inunauna, inhriatthiam tawnna, inngaitheihna nen lo chuan nunkhaw nuam neih theihna chi ziazang a nilova. Chuvang chuan, kan zavaia inngeih dial diala kana wm a pawimawh zia inhrilhhriat thar lehna ni atan August ni 20 hi kum tin hman a ni thin. He ni denchhen hian kuminah pawh sawrkar pisa tinah inunauna thutiam (Sadbhavan Diwas Pledge) tiam tur ruahman ani, tiin he thutiam an neih chhan hi a sawifiah a. Chumi hnuah thawktute hian thutiam hi an sawi rual a ni.

Sadbhavan Diwas hi Harmony Day (Inrem taka nun hona ni) a ni a, India Prime Minister hlui Pu Rajiv Gandhi a piancham August ni 20 ah hman thin a ni.