Vawiin hian Serchhip DC pisaah Bawrhsap Pi Sangchhin Chinzah, District Election Officer hovin District Level Standing Committee on Electoral Roll te chu an thukhawm a, Thenzawl Bazar Veng Polling Station hmun sawn chungchang an rel.

Thenzawl bazar Veng a 26/2 Polling Station te chu an Polling Area ah Building remchang a awm mai loh avangin hun rei tak chhung 26/1 Polling Station huam chhungah vote an thlak thin a. Hei hi tunah chuan anmahni huam chhung a sawn, Thenzawla Election hotute leh Party hrang hrang aiawhten tha an tihna leh an pawmpui theihna hming ziakin District Level Standing Committee ah an thehlut a. District Level Standing Committee hian he an dilna hi Chief Election Commission lama kal zel tlakah ngaiin vawiiah hian an pawmpui ta a ni.

He meeting ah hian District Level Standing Committee member te; MJA aiawh, YMA aiawh, ERO te, Election Officer te leh Party hrang hrang aiawhte an tel a ni.