Vawiin khan NEDP MiMIR project hnuaia Lawngtlai District-a top 10-a thlan chhuahte chuan Lawngtlai DC Conference Hall-ah District Level Committee under My Project, My NEDP - Mipui Mamawh Intawm Ruahmanna (MiMIR) hmaah project presentation an nei.

He hun hi Lawngtlai Bawrhsap, District Level Committee Chairman ni bawk Pu N. Chakhai MCS chuan a kaihruai a. Project endika thlifimtu screening committee member eng emaw zat bakah, presentation nei tur veng ai awh leh anmahni tawiawmtute an kal khawm a ni.

He hunah hian Lawngtlai District chhunga MiMIR project top 10-a thlan chhuah khaw sawm zinga khaw pariat chuan presentation hmangin an project nihphung an sawi fiah a. Khaw pahnih erawh an inhnukdawk a ni.

Vawiina presentation ti thei khuate chu - Lawngtlai AOC Veng (Bazar shed), Ngengpuikai (cultivation of sacha inchi), Chawnhu (development of YLA Park), Sangau-II (Phawngpui tourism development project), Chawntlangpui (economic approach road to R. Kaladan), Kamalanagar (installation of incinerator for cremation), Chawngte 'P' (solar power plant) leh Tuisentlang (water supply system) te an ni a. He'ng project zing atang hian a tha ber thlang chhuak turin naktuk chawhma dar 10 hian screening commitee chu an Chairman, Lawngtlai Bawrhsap office chamber-ah thu khawm ang.

Attachment

  • Loading attachment...