Vawiin khan Pu Bhupesh Chaudhary IAS, District Bawrhsap hovin kumin 2018 Teacher's Day hman dan tur rel a ni.

Meeting-ah hian Pu Lalsailova DPC, SSA chuan kumdang a Teacher's Day lo hman tawh dante report a pe a, kumin September ni 5,  2018 Teacher's Day chu mahni School theuhah hman ni se ti-a rel a ni, Zirtirtute chawimawina thuziak Mamit khawpui chhung hmun lun laiah tar ni se tih a ni, Mamit bakah hian Zawlnuam, W.Phaileng, Reiek leh Kawrthah khua-ah te Banner hi tar ni se tih a ni bawk. Nikum lama lo tih District Level Teachers Award chu kumin atan tih loh ni se tih a ni bawk. 

Zirtirtute Ni-ah hian zirtirtute hnena thuchah Chief Minister, Education Minister leh DC Message -te chu School tina Teacher's Day hmanna hmunah te chhiarchhuah tura thawn ni se tih a ni bawk.

Meeting-ah hian Pu Jacob Lalawmpuia Addl DC, SDO(S) Mamit, Dr Andrew Lalremruata, SDO, Civil W. Phaileng, Mamit khawpui chhunga zirna lama thawktute, Tlawmngai pawl aiawh leh thutharthehdarhtute an tel a ni.