4743/2024-2025

Dated Serchhip, the 21^st March, 2025: Vawiin khan District Election Officer Pu Paul L Khuma, Serchhip Bawrhsap ni bawk hoin DC Meeting Hall ah political party aiawh te nen meeting neih a ni.

DC Pu Paul L Khuma chuan political party te chu inthlan kaihhnawihah an pawimawhzia hria a, election an lo hmachhawn tawh atanga an tawn hriat te sawi tur leh rawtna an neih te thawhkhawm turin a sawm a. Ngaihtuahna seng chunga rawtna tha tak tak an chhawpchhuah te chu Serchhip District mai ni lo, Mizoram tan pawha tangkai a nih theih thu a sawi.

Political party aiawh te hian Village Council inthlan neih zawh taka mipuiten harsatna an tawh dan leh a chinfel dan nia an hriat te an sawi a. Intlar thui lutuk te leh innghah chhung rei lutuk te a lo ziaawm theih nan polling booth tam zawk neih tha an tih thu te, electoral roll-a hming zawn chungchangah awlsam zawka voter ten an serial an hriat theihna tura rawtna te, vote thi tam lutuk tihtlemna tur rawtna te an thlen a ni.

VC Roll leh MLA Roll a danglam avanga mipuiin harsatna an tawh chungchangah Election Officer Pi F Lalnisai chuan BLO te bakah Village Level Standing Committee pawimawh zia sawiin ngai pawimawh leh zual turin a ngen a. VC Roll behchhan atan MLA Roll thar ber hman phalna ECI lamah thlen a nih thu a sawi bawk a ni.

Vawiin meeting ah hian DEO leh EO bakah DIPRO Pi Lalnunmawii leh political party hrang hrang aiawh te an tel a ni.