2744/2023-2024

Dated Serchhip, the 7th November, 2023:  Boruak muanawm tak hnuaiah Serchhip District chhunga A/C pathum - 26-Serchhip, 27-Tuikum leh 28-Hrangturzo ah tluang takin inthlanna neih a ni a, report hnuhnung ber zan dar 7 thlenga vote tla zawng zawng hi District pumah 45990 (84.75%) a ni.

Report hnuhnung ber zan dar 7 thlenga Vote tlak dan kimchang chu hetiang hi a ni.

26-Serchhip:
Vote tla zat: 17288 (Male - 8064, Female – 9363); Percentage -84.40%

27-Tuikum:
Vote tla zat: 14784 (Male - 7310, Female – 7474); Percentage - 87.32%

28-Hrangturzo:
Vote tla zat: 13779 (Male - 6936, Female – 6843); Percentage - 82.57%

Serchhip District a Polling Station 88 ah belhkhawmin 45990 vote a tla a, a percentage in 84.75 a ni. Hmeichhe vote thlak zat hi 23680, a percentage in 84.71% a ni a. Mipa vote thlak zat hi 22310 niin a percentage in 84.79% a ni. Presiding Officers diary nen en mil a ni leh dawn a, vote tla zat hi tlema danglam thei a la ni.

Pi Zalianthangi, kum 99, Chhuanthar Tlangnuam chu Serchhip District chhunga Vote thlak zinga upa ber a ni a. Pu Hauthanga, kum 97, New Serchhip chu mipaah a upa ber a ni.

Serchhip District Constituency pathumah hian inthlanna felfai, thianghlim leh mi tin huap a awm theih nan nasa taka tan lak a ni a. District Election Office ruahmanna in SVEEP hnuaiah Serchhip Sub-Headquarters MHIP te nen thawh ho a ni a. Hmeichhe vote thlak an pun theihna tura he ruahmanna hi siam niin Polling Station tinah MHIP te hi an duty a. Hmeichhia te chu vote thlak ngei ngei turin an sawm a, Branch tinah he hmalakna hi Poll Day thlengin an kalpui a ni. Electoral Literacy Club te nen thawhhona siam ni bawkin ELC unit tin ten kum upa leh Person with Disabilities te zingah vote thlakna hmun Polling Station thleng thei lo te hruai leh dah hna an thawk a. Hei hi Serchhip District chhunga Polling Station tinah kalpui a ni.