1025/2023-2024

Dated Serchhip, the 4th July, 2023: Vawiin khan Pu K. Saitluanga, MIS, Deputy Director, I&PR chuan Serchhip MJA Press Club ah Serchhip District a Accredited Journalist mi 12 te hnenah Accreditation Card a hlan.

Hlanna inkhawmah hian Pu K. Saitluanga chuan, Accreditation hi kum 2 chhung atana nung a ni a, vawiina kan sem hi March 2025 thlenga nung tur a ni. Mizoram pumah journalist mi 140 te hnenah pek an ni a, chung journalist langsar leh rintlak mi 140 te zinga hetiang zat Serchhip district in kan nei hi a lawmawmin ka chhuang hle che u a ni, a ti. Journalist rintlak leh puitling, mipuite kawng dika kaihruaitu, district mipuite huapa ngaihtuahna hmang leh huapzo nih tum tlat tura fuihin an kal zelna turah duhsakna a hlan a ni.

Serchhip District chhunga Accredited Journalist mi 12 te chu :

1. Pu C. Lalhminghlua, Editor, Laisuih
2. Pu C. Ramengmawia, Editor, Lamkal
3. Pu Zonunsanga Kawlni, Editor, Lenkawl
4. Pu Lalremruata Ralte, Editor, Ramlai Arsi
5. Pu Kapliana Pachuau, Editor, Serchhip Times
6. Pi H. Lalbiakzauvi, Editor, Serkhawpui
7. Pu Hranghmingthanga, Editor, Zawlbuk Aw
8. Pu Liantluanga Renthlei, Editor, Vantawng
9. Pu C. Lalrochhuanga, Editor, Zothlifim
10. Pu R. Lalmuansanga, Jt. Editor, Serkhawpui
11. Pu Lawmhlira Ralte, DDK Stringer
12. Pu RL Hlupuia, News Editor, Lalro Digital te an ni.