No.1927/2021-2022
Dated Aizawl, the 19th August, 2021: Tunlai hian Serchhip District chhunga khaw hrang hrangah vawk natna hri African Swine Fever (ASF) nia rinhlelh a leng mek a. He hri hi a punlun zel loh nan Pu Lalmuansanga Ralte, District Magistrate, Serchhip District chuan a hnuai ami ang hian khapna thupek chhuah.

1. Mi tumahin ram dang (foreign countries) leh State thenawm atangin vawk, vawksa leh vawksa atanga thil siam reng reng an la lut tur a ni lo.

2. Mizoram chhung District dang atanga vawk lak luh leh thawn chhuah khap tlat a ni.

3. Serchhip District chhunga khaw dang atanga vawk la lut turten Village Council leh YMA lehkha leh Veterinary Health Certificate, anmahni bialtu Veterinary Field Assistant (VFA) hnen atangin an nei ngei tur a ni.

4. Vawk talhtuten vawk hrisel tha chauh an talh thin tur a ni.

5. Vawk neituten vawk damlo an hralh tur a ni lo.

He thupek hian thu leh awm hma chu Order chhuah anih (18th August, 2021) atanga thla 2 months) chhung a huam ang.

He thupek zawm lo chu Section 188 IPC dan hmangin hrem theih an ni ang.

He thupek hian Sorkar atanga phalna neite a huam lo ang.