No.1928/2021-2022
Aizawl the 19th August, 2021 - Lunglei DC Pu Kulothungan A, IAS hmalakna in India ram chhung leh ram pawn hmun hrang hrang -a NGO foundation/Company/Corporation te atangin CSR kaltlangin Lunglei District mipuite tana hlawkpui leh tangkaipui theih tur Medical lam kaihhnawih bungraw hrang hrang dil chhunzawm a ni a.

Vawiin khan Give India Foundation, Ahmedabad atangin N-95 Mask 1936 (sangkhat zakua sawmthum paruk) Oxygen flow meter 150 (za sawm nga), Oximeter 100 (za), 3 layered surgical mask 2005 (sanghnih panga), Digital BP instrument 50 (sawmnga), Digital thermometer 100 (za) leh Stethoscope 50 (sawmnga) dawn a ni. Heng medical kaihhnawih bungrua dawn zawng zawng hi cheng 12 lakhs (Nuai sawmpa hnih) man hu a ni.

Mizoramin hun khirh leh harsa tak kan tawn mek karah mipuite tana hman tangkai theih tur Medical bungraw hrang hrang phal taka pe tu Give India Foundation, Ahmedabad te bakah bungraw lakkhawm leh Mizorama thawnchhuah chungchangah a buaipuitu Pu Priyank Kishore, IAS leh BOSCONET te chungah Lunglei Bawrhsap Pu Kulothungan A, chuan Lunglei District mipuite aiawhin thinlung takin lawmthu a sawi a ni.