No.4077/2021-2022
Aizawl, the 22nd February, 2022: Serchhip District-a hmun thenkhatah COVID-19 hri kai hmuhchhuah an pung zel a. Chief Medical Officer, Serchhip recommendation angin Covid-19 hri leng darh zel tur venna atan nasa zawka hma lak ngei a ngai tih hriat a ni a;
Heng khua: Bungtlang, Chhingchhip Mualpui, Chhingchhip, Khawlailung, N. Vanlaiphai, P&E Veng Serchhip, Thentlang, Thenzawl leh Serchhip Vengchung a hmun thenkhat hi hrikai darh zel theihna a nih avangin contact tracing mumal leh chak taka kalpui a ngaih avangin Mizoram Sawrkar Disaster Management and Rehabilitation Department Order No.B.13021/101/2020-DMR/Vol-VI dt 18.02.2022 Clause C-3 in Deputy Commissioner-te thuneihna a pek angin Pi NAZUK KUMAR, Deputy Commissioner, Serchhip District chuan a hnuaia Schedule-a tarlante hi Ni 22.02.2022 (Thawlehni) tlai dar 03:00 atanga thu leh awm hma chu HMUN KHUAHKHIRH BIK (Restricted Area)-ah a puang a. He Restricted Area-ah te hian a hnuaia tarlan ang hian khuahkhirhna khawng taka kalpui tur a ni ang.
Restricted area chhunga cheng zawng zawngte chu mahni inah inkharkhip vek tura hriattir kan ni.
Restricted area chhunga lirthei tlan tlang reng reng chawlh emaw din emaw khap tlat ani.
Rikrum leh hmanhmawhthlak thil tulah chuan VLTF remtihna leh Sawrkar dan siamsa zawmin chhuah phal a ni ang.
Executive Magistrate, Health Department, Police leh Fire & Emergency Services, Public Health Engineering Department, Power & Electricity Department, Excise & Narcotics Department-te a hnathawk, Restricted Area-a duty neite leh Deputy Commissioner, Serchhip emaw Sub-Divisional Officer (Sadar) in a bika phalna a pekte erawh chu he khuahkhirhna hian a huam lo ang.
SCHEDULE
1. Bungtlang Venglai
2. Bungtlang Vengsang
3. Chhingchhip Venglai
4. Chhingchhip Venghlun
5. North Vanlaiphai Bangla Veng
6. North Vanlaiphai Damdawi Veng
7. North Vanlaiphai Venglai
8. Serchhip Vengchung
9. Zozam Veng
Tupawh he khuahkhirhna thupek bawhchhia apiang chu Sec. 188 IPC hmanga hrem theih an ni ang.
