No.2072/2020-2020  

Dated Serchhip, the 16^th June, 2020: Vawiin hian Serchhip District-a khaw pathum: Hriangtlang, Chhingchhip Mualpui leh Khawlailung ten Quarantine Centre hrang hranga awm mekte eitur atan thlai leh thei chi hrang hrang bakah sum fai Dr. Lalzirmawia Chhangte, IAS, Deputy Commissioner hnenah an hlan.

Hriangtlang Village Level Task Force hian an mipuite thawhkhawm thlai leh thei chi hrang hrang: Antam bag 13, Maian bag 2, Theihai bag 3.5, Theite bag 1, Aiduria tel 1, Hmarcha 3Kg, Sawhthing 5kg, Chingit 5kg, Dhania tel 1 bakah Task Force memberten hnatlanga an khawrh Hruizik 2 bag chu  Bawrhsap hnenah an hlan a. 

Chhingchhip Mualpui Village Level Task Force chuan quanrantine mekte mamawha hman atan pawisa fai Rs. 10,000/- an hlan bakah Puitu Pawl, Chhingchhip Mualpui in sum fai Rs. 1,000/- an hlan tel bawk a ni.

Khawlailung Village Organization-2 aiawhin Pi Lalnuntluangi,  President leh Pi TC Zionpari, Secretay ten khawtlang mipuite thawhkhawm- Antam bag 14, Phuihnam bag 3, Theihai paikawng 3, Theite bucket 2, Kurtai 25 kg, Dawlzik tel 6, Bawkbawn 3 kg leh hmarcha kg 4 an hlan bawk a ni.

District Bawrhsap chuan thipek hlu tak tak petute chungah lawmthu a sawi a. An khaw mipuite thilphalna leh inpekna chu a fakawm tak zet a, an thilpekte hi kunghran mekte tan tangkai tak anih ngei a beisei thu a sawi a ni.