No.2071/2020-2020 

Vawiin chawhma khan Deputy Commissioner, Kolasib district pisaah Covid-19 hri do nana Sawrkar hmalakna hrang hrang a hman tur Cheng 75,000, mimal leh pawl atanga tanpuina lo lut te chu Dr H Lalthlangliana, DC hnenah hlan a ni.

Dr H Lalthlangliana chuan, Covid-19 hri avang a Quarantine Facility enkawlna, ramri a duty, tangkhang dawnsawnna leh Kolasib district chhung a ei leh bar a mi harsa zual tanpuina kawng a Sawrkar hmalakna tlangpuite tarlangin, Kohhran, pawl leh mi inphal engemaw zat atanga tanpuina sum leh eitur pe an awm thin thu a sawi a. Sawrkarin Covid-19 hri a dona kawng a mi inphal tak takte inpekna chungah lawmthu a sawi bawk a ni.

 Vawiin tanpuina dawn te hi a vaiin cheng 75,000 a ni a, a petu te chu;

 1. Pu K Lalrinliana, Rs. 20,000 Border safety Monitoring atan
    Minister of State, FCS&CA
2. Diakkawn Branch YMA Rs. 20,000 Quarantine Facility atan
3. Diakkawn Branch YMA Rs. 10,000 Border safety Monitoring atan
4. Hmar Veng VLTF Rs. 20,000 Quarantine Facility atan
5. Lalhluna, Khuangpuilam Rs. 5,000  Quarantine Facility atan
6. ZPM, Kolasib Block Face mask 40 nos.

ZPM Kolasib block te hian DC Office a, Covid-19 do nana thawktute zawng zawng hnenah lawmthu sawi nan Cake an hlan tel bawk a ni.