No130/2021-2022

Dated Serchhip, the 14th April, 2021: Vawiin hi Dr. BD Ambedkar piancham a ni a, hemi puala Mizoram sawrkarin sawrkar office ah te hunserh tawi hmanga India Constitution Preamble a huhova sawi rualna nei theuh tura hriattirna (office memorandum) a tihchhuah angin Serchhip Deputy Commissioner Office, SP Office leh department office hrang hrangten anmahni remchan danin Preamble sawi rualna hi an hmang.

Tin, vawiin vek hian Fire Services Week, 2021 pualin office hrang hrangah zing dar 11:15 am ah thupui (slogan) sawi rualna nei theuh tura hriattirna, Mizoram sawrkarin a siam bawk a. Hei pawh hi Serchhip Deputy Commissioner Office leh office dangte hian anmahni pisa theuhvah an hmang bawk.

Serchhip Deputy Commissioner Office chuan an pisa meeting hall ah Pu Kumar Abhishek, IAS, bawrhsap kaihhruaiin hun hman a ni a, Police Department chuan Office tualah Pu Stephen Lalrinawma, SP kaihhruaina in an hmang a, PHE, Serchhip Division chuan Pu Lalhmingmawia, Account Officer kaihhruaia hun hmangin, Serchhip District Agriculture Office chuan Pu Tlangtimawia, DAO kaihhruaiin hun an hmang thung a, Serchhip CDPO office chuan Pu Lalbiakliana, CDPO kaihhruaia hmun hmangin, District Fisheries Development Office te chuan Pi Lucy Lalrinpuii, DFDO kaihhruaiin an hmang a; office dangte pawhin anmahni pisa theuhvah heng ni pawimawh pual hian hun an hmang hlawm a ni.

Attachment

  • Loading attachment...