No131/2021-2022

Aizawl, 14th April, 2021 : Vawiin April 14, India ram Danpui duang chhuaktu Dr.B.R.Ambedkar-a piancham ni ah amah hriat rengna pualin sawrkar department hrang hrang ten mahni office ah India Constitution Preamble chhiar hona hun an hmang a. Mizoram Secretariat officer leh staff te chuan Preamble chhiar hona hi Pu Lalnumawia Chuaungo IAS, Chief Secretary hovin Secretariat building kawt tualah hun an hmang a ni.

Vawiin ah vek hian April 14 - 20 chhung awh tur Fire Service Week hman tan a ni a. Mizoram Secretariat officer leh staff te chuan Chief Secretary hovin kawng hrang hranga kangmei laka fimkhurna tur thuziak chhiar hona hun an hmang bawk a. Chief Secretary chuan heng fimkhurna tur thuziak te chu mahni tan theuhva chhiar a, a taka zawm theuh turin officer leh staff te chu a chah a ni.