No.7569/2020-2021

Vawiin hian Serchhip District chhung Cluster hrang hrang atanga thar chhuah Tomato thawn chhuahna hun hman a ni a, Pu JC Ramthanga, IAS, Addl. Chief Secretary, Horticulture Department chuangtu chuan he hun hi a hmanpui a ni.

Khuallian, Pu JC Ramthanga, IAS, Addl. Chief Secretary chuan thusawiin Serchhip District chhung Horticulture Cluster hrang hrang atanga Tomato hralh chhuah tur thahnem tak tharchhuaktu loneitute chu a lawmpui thusawiin, an hlawhtlinna chu Horticulture Department hlawhtlinna ani, ati a. Department chuan kuthnathawktute zarah hnathawh tur an nei ve chauh zawk ani, a ti. Covid-19 avanga ei leh bara harsatna kan tawh laia thlai tharlam hmanga Mizoram chawmtu Serchhip Mat phaia kuthnathawktute hmunhma a tlawh ve thei chu lawmawm a tih thu sawiin, thlai tharchhuah kawngah Mizoram intodelhna tura theihtawp chhuah a tum thute, Mission for Integrated Development of Horticulture (MIDH) hnuaiah kuthnathawktute tan tanpuina awm thei ang angah te pawh theihtawp a chhuahsak tur thute sawiin, hlawk zawka thlai tharchhuak zel turin duhsakna a hlan a ni.

Tomato hralh tur vailiam na hunah hian Pu PC Siamliana, President, Agriculture & Horticulture Co-operative Society chuan thusawiin, Horticuture Department-a mithiamte hmalak puina azarah  Tomato tuihnai leh hlawk zawka tharchhuah dan an thiam ta chu lawmawm a tih thu sawiin, Mat phai zau hrang hrang ami te tan sawrkarin hma a laksakna zawng zawngah lawmthu a sawi bawk.

He hun hi Dr. Elizabeth Saipari, Director of Horticulture, Mizoram chuan a kaihhruai a. Pu JC Ramthanga, IAS, Addl. Chief Secretary chuan Serchhhip Mat phaia Chawm kai leh a chhehvela  Horticulture Department hnuaia loneitute  hmalakna hrang hrang a  tlawh kual hnuah, Aizawla phurhthlak tur Serchhip District chhung Cluster hrang hrang  atanga Loneitu mi 18 te tharchhuah Tomato 33 Quintals (Sailulak atangin 7 qtls, Leng atangin 3.5 qtls leh Serchhip atangin 22.5 qts) chu Chawm kai atang hian a vailiam a ni.

Pi M. Vanlalzami, Distict Horticulture Officer, Serchhip chuan lawmthu sawina hun hmangin, March 2021 thla tir atang hian Chawm kaia Horticulture Farmer Training Hall leh Site Office ni bawk chu  hman tan anih tur thu a sawi a ni.

Attachment

  • Loading attachment...