Serchhip District chhungah Village Council inthlan neih zawh takah khan chuhtu Political party hrang hrang zingah Indian National Congress (INC)in Seat 215 (General – 159, Reserved-56) awm zinga Seat 111 (General – 80, Reserved-31) la in Seat la tam ber an ni a, Mizo National Front (MNF) in Seat 70 (General – 54, Reserved-16) la in an dawt a, Zoram Nationalist Party (ZNP) in Seat 17 (General – 13, Reserved-4) an la a, Mizoram People’s Conference (MPC) in Seat 7 (General – 4, Reserved-3) an la a, Independent Candidate ten Seat 10 (General – 8, Reserved-2) an la bawk.

Indian National Congress hian Village Council 29 ah majority seat la in chak zawka puan an ni a, Mizo National Front in Village Council 13 ah hnehna an chang a, Zoram Nationalist Party in Village Council 2 la in, Independent Candidate te Lungchhuan Village Council ah an chak bawk. Party mal chak ber awmlohna (draw) Village Council 4 (Chhingchhip, Chhingchhip Mualpui, Keitum, Khawbel) a awm bawk.

Village Council member a thlan thar te hi anmahni bialtu Returning Officer te hnenah May ni 7, 2015 ral hma in Village Council Executive Body din fel vek tura hriattir an ni.