No.1528/2021-2022

Dated Serchhip, the 23rd July, 2021: Vawiin hian District Agriculture Office Serchhip hmalaknain Thenzawl a Obing zau rama Sub Mission on Agroforestry (NMSA) Small Nursery atangin Zawngtah thiak 9050 sem chhuah a ni.

Pu Tlangtimawia Zote, DAO Serchhip chuan Sub Mission on Agroforestry hi Serchhip District hmun thuma buatsaih tura tih a nih thu sawiin, thlai tiakte chu nakuma sem chhuah tan tura tih a nih laiin thawktute inpekna leh thahnemngaihna zarah a hun aia hmaa sem chhuah a nih zawk tih a sawi a. Loneituten Zawngtah tiak an dawnte chu tha taka phun nunga, ram ngaw siam nan leh sum thawh chhuahna atana tangkai taka an hman theih ngei a duhsak hle tih a sawi a ni.

Pu T. Lalremruata, G/S, Nursery Incharge chuan thlai tiak sem chhuah a nih dan report a pe in; Thenzawl ah 4900, Kanghmun South ah 1710, Neihloh ah 890 leh Zote South ah 1550, a vaiin Zawngtah tiak 9050 chu chhungkaw 223 hnenah sem chhuah a ni a. Khaw tina FIG ten a tul angin an lo buaipui zui dawn a ni.

He hun hi Pu K. Laltlanmawia, DPM (FOCUS) chuan a kaihruai a, loneitute hnenah a thlawna thlai tiak sem leh chumi hmanga an sum lakluh tihpun hi Sub Mission on Agroforestry in a tum bulpui ber a nih thu a tarlang ve bawk a ni.

He hunah hian loneitute leh department thawktute an tel a ni.