No.1527/2021-2022

Aizawl 23rd July 2021: Aizawl DC chuan Venghnuai hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e. 

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin,Venghnuai chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin a hnuaia Venghnuai hmun thenkhat tarlan te hi ni 23.07.2021 (Zirtawpni) Zing dar 4:00 atangin Containment Zone/Area-ah puan a ni.

Heng area chhungah hian Deputy Commissioner-in phalna  a  pekte,  Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

VENGHNUAI Containment Zone/Area puanna:

Khuangchera Section

Pu C.Laithanruala In atanga Pi Lalrinmawii In thleng leh Pu Henry Lalsangzuala In atanga Pu H.Lalthanngura In thleng leh Pu V.Thangkhuma In atanga Pu Thankhuma In.

Buffer Zone :

Pi Zaichini In, Pu H.Lalthlengliana (L) In, Pu Lalzarzoliana In. (Khuangchera Section)

(Total No. of Household contained – 36)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.