2225/2024-2025
Dated Serchhip, the 26th September, 2024: Halpuah leh halmawite hian nasa takin mihring hriselna a tichhe thei a, boruak a tihchhiat leh tihbawlhhlawh mai bakah ri bengchheng a siam a. Silai lem mu nei chite hian mihring piansualna a thlen tak fo bakah tul lova sum khawhralna a ni a.
Chuvangin, heng- halpuah, halmawi, sky lantern leh puakthei thil dang bakah silai lem a mu hmang chi reng reng lak luh, zawrh, hralh, hal leh hman khapna thupek Section 163 of Bhartiya Nagarik Suraksha Sanhita, 2023 hnuaiah Serchhip DC chuan September 24, 2024 khan a tichhuak.
He thupek hi mi tinin zawm theuh tur leh thupek zawm lote chu thuneitute hnena hriattir turin DC chuan mipuite a ngenin a hriattir a ni.
