2064/2024-2025 

Dated Serchhip, the 13^th September, 2024: Mizoram Society for Social Audit and Transparency (MSSAT) hnuaia Social Audit Unit te chuan vawiin khan an Director Pi C.Laltleipuii hoin East Lungdar, Leng, Chekawn leh Khawlailungah MGNREGA hnathawhte a hmunah tlawhin an endik. 

MGNREGA hnuaia hnathawh te hi dik leh langtlang taka kalpui a nih theih nan hunbi neia endik thin a ni a. Serchhip District chhunga khua/veng 18 ah audit hna hi September 9 atanga ni 24 chhunga kalpui tura ruahman a ni a.  Vawiin khan Pi C.Laltleipuii leh a team te hian East Lungdar, Leng, Chekawn leh Khawlailung khua te tlawhin MGNREGA kaltlanga sum hman dan te leh an hnathawh dan te an endik a, BDO Dr Peter Malsawmtluanga chuan Director hi a tawiawm a ni. 

Kum dang aia uar lehzuala Social Audit-ah khua leh tuite an tel ve theih nana remchang siam ni se tiin sawrkarin a lo rel tawh chu bawhzuiin Social Audit Unit te hian tlawmngai pawl hrang hrang - YMA, MHIP, MUP leh a dang te nen tanghoin audit hna hi an thawk a. Serchhip Sub Headquarters YMA aiawhte pawh audit an neihna khaw tinah hian an tel a ni.  

Serchhip DC Pu Paul L.Khuma pawhin District Programme Coordinator a nihna anga thusawiin social audit pawimawhzia mipuiin kan hriat thar a, thahnemngai taka he audit-a kan tel ve a tulzia a sawi a. Sawrkar laipui chuan thingtlang tihhmasawn a ngai pawimawh em em a, Rural Development Department kaltlanga thingtlang khuate hmasawnna hna a thawh mek - MGNREGA hi dik tak leh langtlang taka kalpui a nih a, chhungkaw tinte tana tangkai lehzuala kalpui a nih theih nan mipuite leh tlawmngai pawl hrang hrang - YMA, MHIP, MUP leh a dangte chu auditor te tawiawm turin a sawm a, a zau thei ang bera thehdarh turin a ngen bawk a ni.