1671/2026-2027

Serchhip, the 6^th August, 2026: Vawiin khan August ni 10, 2026-a National Deworming Day (Rulhut hlo sem runpui neih ni) Serchhip District-a hman dan tur relin District Co-ordination Committee chu DC Meeting hall-ah an thukhawm. Meeting hi Additional Deputy Commissioner Pi Dorothy Muansangi’n a kaihruai a ni.

Senior Chief Medical Officer Dr. Lallawmpuii chuan rulhut hlo inpek pawimawh chhan hrang hrangte sawiin kum khatah vawi hnih - February leh August thlaah te rulhut hlo sem thin a nih thu leh, kumin February thla khan a thawh khatnaah hlawhtling taka Serchhip District-ah sem a nih tawh thu a sawi. 

Deputy Chief Medical Officer Dr. Lallawmkimi Chhakchhuak hnen atangin National Deworming Day August 10 atana inbuatsaihna leh ruahmanna hrang hrangte ngaih thlak niin, tunlai Rulhlut hlo chhuakthar chu, thial chip emaw, chiah zawp emawa lem mai theih, eisual hlauhawm lo leh thil dang nen pawha inhal lo a nih thu a sawi a, a theih phei chuan mi tin tan, thla 6 dana ei chu duhthusam a nih thu sawiin ei nawn pawh a theih thu a sawi bawk.

National Deworming Day, August ni 10, 2026 hian district chhunga sikul hrang hrang, college leh Anganwadi centre-ahte rulhut hlo hi a huhova sem a ni ang. Heta la ve hman lote leh sikul kal lote chu August ni 17, 2026 (Mop-Up Day) ah sem chhunzawm leh an ni dawn a. Rulhut hlo (Albendazole) hi kum 1 leh kum 2 inkar naupangte hnenah 200mg (a chanve) pek tur niin, kum 2 chin chunglamte hnenah 400mg (a pum) pek tur a ni. 

August 2026 atan hian Serchhip district chhungah Rulhut hlo dawng tur (target beneficiary kum 1 atanga 19 inkar) hi belhkhawmin mi 23,160 an awm a. Heng zinga naupang 4,892 te chu Anganwadi naupang an ni a, Sawrkar sikul (Govt. Aided Sikul tiamin) naupang 7,898, Private Sikul naupang 9,893 leh school kal lo naupang 457 bakah Anganwadi kal lo naupang 20 te an awm bawk a ni.

NDD Launching Programme hi August ni 10-ah Marian High School Serchhip-ah neih tur a ruahman a ni a.