3701/2023-2024

Dated Serchhip, the 7th February, 2024: Vawiin khan Serchhip DC Meeting Hall-ah District Level Convergence Committee chu Pi Rebecca Laldinmawii Hrahsel, SDO (Sadar) hovin an thukhawm.

Vawiin thutkhawmah hian Block Level Convergence Committee-a an thurel te thlirho a ni a. Serchhip District chhungah block pahnih - Serchhip leh E.Lungdar Block te awmin heng block huamchhungah hian department hrang hrang te telna convergence committee din niin Poshan Abhiyaan tluang taka kalpui a nih theih nan rawtna an thlen a. Heng block huamchhunga Anganwadi Centre hrang hrangah tui connection la nei lo te, gas connection la nei lo te leh ek in tha tawk lo chungchang te sawi lan a ni a. Retaining Wall leh Creche building sak dan tur te leh common nutri garden hmunhma neih dan tur te sawiho a ni a. District level a chinfel theih chin te leh state level a thlen ngai te then hran niin, block level-a an thurel te a tul angin state level ah thlen leh ni se tiin an rel a ni.

Meeting Chairman Pi Rebecca Laldinmawii Hrahsel chuan Poshan Maah tha taka kalpui a nih theihna tura tanho a ngaih thu a sawi a. Department mal chauhin kenkawh theih a nih loh avangin line department ten theihtawp chhuaha an tawiawm tlan a tul thu a sawi a, hmalakna hrang hrang kalpuite tha taka hlen chhuah a ni thin chu lawmawm tiin Department te chungah lawmthu a sawi a ni.

Poshan Abhyiaan hmang hian naupang kum 6 hnuai lam thang thei lo, an kum leh an rih zawng inmil lo lutuk te, an san zawng leh an rih zawng inmil lo lutuk te nuaibo tum a ni a. Hmeichhe tleirawl leh nu hote zinga thisen tlakchhamna anaemia awm thin tihhniam leh nau pianghlim buk zang lutuk awm thin tih hniam tumin mipui vantlangah a zau thei ang bera zirtirna leh inhrilhriatnate neih thin a ni.