600/2025-2026

Dated Serchhip, the 28^th May, 2025: Serchhip District chhung Secondary Collection Centre (SCC) hrang hrang atangin loneitute tharchhuah sawhthing chu a thawhkhatnaah quintal 8,845 hralhchhuakin a thawhhnihnaah quintal  25,182 hralh chhuah a ni tawh a. Tun thlenga sawhthing tihral tawh zat chu quintal 34,027 a ni.

Serchhip District chhungah hian SCC pasarih - Chhiahtlang, Thenzawl, Chhingchhip, Khawlailung, East Lungdar, Lungpho leh North Vanlaiphai an awm a. Heng SCC kaltlang hian loneitute tharchhuah sawhthing hralh hna hi a kal mek a. Hriat theih chinah 2nd phase-a sawhthing an hralh tawh zat chu hetiang hi a ni:- 

1. Chhiahtlang SCC - 5000 qtls

2. Chhingchhip SCC - 3905 qtls

3. Lungpho SCC - 664 qtls

4. N. Vanlaiphai SCC - 3694 qtls

5. Khawlailung SCC - 6522 qtls

6. East Lungdar SCC - 1244 qtls

7. Thenzawl SCC - 4153 qtls

Total - 25,182qtls

SCC atang hian Sawhthing hralh hna hi kalpui mek a nih avangin sawhthing hralh tawh zat leh kudama stock la neih zat hi englai pawhin a danglam reng a ni.

Serchhip DC Pu Paul L Khuma kaihhruaina hnuaiah District Agriculture Marketing Committee (DAMC) chuan sawthing lei leh hralh kawngah nasa takin tan a la a. DAMC hnuaia din Auction Team te chuan Serchhip District chhunga SCC tin te hi a hmunah tlawhin, SCC hruaitute meeting an neih pui theuh tawh a. An sum che vel buaipui tura din Audit Team te pawhin hun bi neia fehchhuakin SCC tin ten sum leh pai che vel an chhinchhiah dan an enpui bawk a. Sawrkar ruahmanna angin SCC te hi anmahni kea ding a, sawhthing hralhna hi buaipui chhunzawm zel tura beisei an nih angin DAMC hian a vilin a enpui reng a, SCC tin vil tur hian sawrkar department hrang hrang atangin Supervisor te leh Co-ordinator te a ruat theuh bawk a ni.