599/2025-2026

Champhai dated 28th May 2025: Nimin khan Champhai DC Conference Hall-ah May ni 29, 2025 a Champhai rawn tlawh tur, Pi Savitri Thakur Hon’ble Union Minister of State for Women & Child Development lo dawn sawn dan tur relin thutkhawm a ni a. Pu Mohammad Aaquib IAS, Champhai District Bawrhsap chuan thutkhawmna hi a kaihruai a ni.

Thukhawm chuan Champhai rawn tlawh tur Pi Savitri Thakur Hon’ble Union Minister of State for Women & Child Development chu Champhai a cham chhunga hun hlawkthlak tak a hman theih nana ruahmanna siam nise, a ti a. Hemi atana inpuahchahna tul hrang hrangte sawiho niin tha taka kalpui tura hmalak nise tih a ni. Line Department-te pawhin mahni Department chan theuh kaltlanga hmalakna leh hmachhawp te a tul anga chhawpchhuak thei tura inbuatsaih theuh turin an rel a ni.

Thukhawm chuan Union Minister of State lo hmuah dan tur leh dawnsawn dan turte bakah Champhaia hun hman pui dan tur leh venhimna kalpui dan tur sawi ho a ni a. One Stop Centre, Vengsang, Anganwadi Centre-I, Kahrawt, Rose Children Home, Tlangrawt leh Shakti Sadan DC hmunhlui ami te tlawhin a thawktute a kawm dawn bawk a ni. Hemi ni vek hian Union Minister hi Deputy Commissioner Bungalow Khawzawlah zanriah a ei hnuah Aizawl pan lehnghal tur a ni dawn a ni.