4186/2024-2025

Dated Serchhip, the 11^th February, 2025: Vawiin khan Serchhip District Election Officer Pu Paul L Khuma hoin VC inthlannaa hman tur ballot paper dahna strong room hawn a ni a. Election a duty tur Polling Party ten bungrua lam khawmin an duty na tur khua te an pan bawk.

Village Council Election 2025 atana vote thlak hun chu naktuk February ni 12, 2025 a lo ni ta a. Serchhip District Election Office ah ballot paper dahna strong room chu a him tawk em tih endik a nih hnuah vawiin chawhma khan political party aiawh te leh official te hmaah hawn a ni.

Serchhip DC Office tualzawl atangin election material thawnchhuahna neih chhunzawm nghal a ni a. Polling Party te chuan vawiin nileng khan an mamawh te DC office ah hian an lam khawm a. An duty hmanraw kimchang te nen vawiin vek hian an duty na hmun tur panin an chhuak a. Zanin atangin Polling Station-ah an riak lut dawn a ni.