Vawiin chhun khan CMO Conference Hall, Serchhipah Serchhip District Anti-Tobacco Squad te chuan meeting an nei a, he meeting-ah hian Serchhip District chhunga puipunna hmuna meizuk khap dan tur te, chak taka naupang kum 18 hnuai lamte hnena vaihlo leh kaihhnawih zawrh khap a nih theih nan leh zirna in bul hnaia vaihlo zawrh khap dan tur te an rel a ni.
He meetingah hian tualchung atanga vaihlo leh a kaihhnawih chi hrang hrang; vaihlo, tuibur leh sahdah te mai bakah Cigarette-ah te hriselna atana pawi leh hlauhawm a ni tih tarlanna milem tar dan tur leh Gutkha atanga thil siam reng reng khap a nih theih dan turte an rel ho bawk a ni.
Meeting neih zawh hian memberte chuan khawlai leh Office hrang hranga zial zuk phal lohna hmuna zial zute an vai zui a, mi 7 an man a, pawisa an chawitir nghal a ni.
