Vawiin chawhma dar 11:30 khan Serchhip-a Forest Department chuan an Department hnuaia NLUP thlangtute hnenah N LUP tanpuina pawisa fai an sem chhuak.

Serchhip District chhungah hian Forest Department chuan NLUP hnuaiah Bamboo Plantation hi a kalpui a, NLUP 1st Phase-ah Beneficiary 47 awmin 2nd Phase-ah Beneficiary 100 an awm dawn a, 1st Phase-a Beneficiary te hnenah hian Vawiin khan tanpuina an dawn tur 4th Instalment, Rs. 18,785/- pekchhuah an ni a, hemi rual hian 2nd Phase-a Mau chin thlangtute hnenah hian an pawisa dawn tur 1st Instalment pekchhuah nghal niin 1st Instalment-ah hian Rs. 67,192/- pekchhuah an ni nghal bawk a ni.

Vawiin a NLUP tanpuina pekchhuahte hi Serchhip Forest Range hnuai a mite an ni a, tanpuina dawngtute hi 1st Phase-a chhungkaw 26 leh 2nd Phase-a chhungkaw 44-te niin Range dangah pawh tanpuina hi pekchhuah nghal a ni dawn a ni. Serchhip District chhungah hian Forest Department hian Chhiahtlang, New Serchhip, Serchhip-V, Hriangtlang, Mualcheng, Serchhip-II, Serchhip-III leh Serchhip-IV ah te Beneficiaries an nei a ni.

Vawiin a NLUP tanpuina semna hun hi New Serchhip YMA Hall-ah neih a ni a, he hun hi Pu K. Lalchhunga, RO, Serchhip Range chuan kaihruaiin he hunah hian kangmei laka inven a pawimawhzia inzirtirna hun, Fire Prevention Awareness Campaign neih nghal a ni bawk.