Aizawl,the1st February, 2013 : Serchhip District Superintendent of Police (SP) kalchhuak tur, Pu Milind Mahadeo Dumbere, IPS chuan Serchhip District SP thar tur, Pu Romil Baaniya, IPS hnenah Vawiin khan SP mawhphurhna a hlan.

Vawiin a Serchhip District Superintendent of Police (SP) mawhphurhna inhlanna hun hi Serchhip SP Office Chamber-ah neih a ni a, SP kalchhuak tur, Pu Milind Mahadeo Dumbere, IPS hian 20.1.2011 atang khan Serchhip District SP mawhphurhna hi a chelh tawh a, tunah hian DIG (NR) a awm tura sawn a ni. Serchhip District SP thar tur Pu Romil Baaniya, IPS hi kum 2007 IPS Batch a ni a, Serchhip-a a rawn awm hma hian Addl. SP in South East District, Delhi-ah a lo awm tawh bawk a, amah hi Serchhip District Deputy Commissioner, Pi Juhi Mukherjee, IAS pasal a ni. Kum 1998-a Serchhip District a pian hnuah Serchhip District-ah hian SP 7 an lo awm tawh a, Vawiin a SP mawhphurhna latu, Pu Romil Baaniya hi Serchhip District SP 8-na a ni.