No.736/2021-2022
Dated Serchhip, the 29th May, 2021: Pu Lalmuansanga Ralte, Deputy Commissioner & Chairman, District Disaster Management Authority, Serchhip District chuan Chhingchhip khuaa Bamboo Camp leh a chhehvel Metre 200 huam chhung chu Containment Zone anih thu a a hnuai ami ang hian thupek a chhuah.
Chhingchhîp Village Council area chhung Bamboo Camp-ah COVID-19 hri kai engemawzat hmuh chhuah an ni a, Covid-19 hrilêng darh zel tur venna atan nasa zawka hmalak ngei a ngai tih hriat a ni a. Chief Medical Officer, Serchhipin lehkha No.B.11018/1/2020-COVID-19/CMO(S) dt.29.05.2021 kaltlanga rawtna a siam angin mipuite kan lo him tlan zawk nan leh helai Bamboo Camp atanga Covid-19 hri hi a darh zel lohna tura hmalak hi a tul ngei niin a lang a.
Tin, Containment and Surveillance Plan on Covid-19 for Mizoram, Sorkar lehkha No.D.33011/22/2020-HFW(nCOV)/Pt.III dt 09.06.2020 Para 4-in a sawi angin, he hmun atanga hrikai darh zel theih a nih avangin contact tracing mumal leh chak taka kalpui a ngai a.
Chuvangin, kei, LALMUANSANGA RALTE, MCS, Deputy Commissioner & District Magistrate, Serchhip District hian The Mizoram Epidemic Diseases (COVID-19) Regulations, 2020 sub-section 1 of Section 11 in thuneihna min pêk angin a hnuaia hmun Schedule-a tarlante hi ni 29.05.2021 tlai lam dar 03:00 pm atanga thuleh awm hma chu Containment Zone-ah ka puang e. He Containment Zone-ah te hian a hnuaia tarlan ang hian khuahkhirhna khawng taka kalpui tur a ni ang.
1. Containment Zone chhunga chêng zawng zawngte chu mahni in/awmna hmunah inkharkhip vek tura hriattir an ni.
2. Containment Zone chhunga Highway/National Highway–a lirthei tlan tlang reng reng chawlh emaw din emaw khap tlat a ni.
3. Rikrum leh hmanhmawhthlak thila chhuah ngaite chuan VLTF remtihna la hmasain leh Sorkar dan siamsa zawmin chhuah phal a ni ang.
4. Executive Magistrate, Health Department, Police leh Fire & Emergency Services, Public Health Engineering Department, Power & Electricity Department, Excise & Narcotics Department-te a hnathawk, Containment Zone-a official duty neite leh Deputy Commissioner, Serchhip emaw Sub-Divisional Officer (Sadar), Serchhip emawin a bika phalna a pekte erawh chu he khuahkhirhna hian a huam lo ang.
SCHEDULE
1. Chhingchhip Khua a Bamboo Camp area pumpui leh a chhehvel Metre 200 huam chhung.
Tupawh he khuahkhirhna thupek bawhchhia apiang chu Sec. 188 IPC hmanga hrem theih an ni ang. He schedule huam chhunga mihring chengte leh official duty-te chu Aarogya Setu Mobile Application-ah an in register vek tur a ni.
He thupek hi Court Seal chhuin vawiin 29th May, 2021 hian ka nemnghet e.
